Statudoù

Mellad 1. Anv ar gevredigezh

Krouet e vez etre an izili ur gevredigezh hervez lezenn ar 1añ a viz Gouere 1901 ha dekred ar 16 a viz Eost 1901, anvet “MLK – Gwened”.
Gwreskanv «Moneiz Lec’hel Klokaat – Gwened» eo «MLK-Gwened».

Mellad 2. Danvez ar gevredigezh

Krouiñ hag ober war-dro ur moneiz lec’hel klokaat keodedour e takad Mor Bihan – Tolpad Gwened eo pal ar gevredigezh “MLK – Gwened”.
Ar moneiz-se a harpo adlec’hiadur an armerzh, embregadoù ekologel ha kengret ha kresk al liammoù kevredadel.

Mellad 3. Sez kevredadel

Staliet eo ar sez kevredadel e ti ar c’hevredigezhioù, 31 straed Guillaume ar Bartz – 56000 Gwened.

Mellad 4. Framm hag atebegezh

A-stroll e vez meret ar gevredigezh.
Rannet e vez atebegezh ar gevredigezh etre an holl izili bet paeet o skodenn vloaz ganto.

Mellad 5. Ezeladur

Ezel eo kement hini a ra ar goulenn, a entu gant ar statudoù-mañ, gant karta ar gevredigezh ha reoliadur diabarzh ar gevredigezh.
N’eus nemet an izili hag o deus paeet o skodenn vloaz a c’hell kemer perzh en divizoù.

Mellad 6: Reoliadur diabarzh

Resisaet e vez doareoù mont en-dro ar gevredigezh MLK-Gwened er reoliadur diabarzh.

Mellad 7. Korvoderioù

Dont a ra korvoderioù ar gevredigezh eus skodennoù an izili, eus o ferzhiadegezh d’an obererezhioù, eus an diskeladurioù aozet gant ar gevredigezh, eus an donezonoù hag ar skoaziadoù a c’hello bezañ roet dezhi hag eus an holl korvoderioù aotreet gant al lezenn.

Mellad 8. Emvodoù-meur

Strollet e vez an izili bet paeet o skodenn vloazh ganto en emvodoù-meur. Galvet e vez un emvod-meur ur wech ar bloaz da nebeutañ gant ar C’huzul Luskañ.
E touez an izili o kemer perzh en emvod-meur e vez dibabet gant an emvod-meur izili ar C’huzul Luskañ. Gant an emvod-meur e vez divizet henchadurioù meur ar gevredigezh.

Mellad 9. Kuzul Luskañ

Dilennet e vez evit ur bloavezh.
Gant ar C’huzul Luskañ e vez meret ar gevredigezh ha kemeret an divizoù ret, gant ma ‘z int a-du gant heñchadurioù an emvod-meur.
Gant ar C’huzul Luskañ e vez dibabet izili evit lakaat an divizoù e-pleustr hag ober e anv ar gevredigezh en diavaez.

Mellad 10. Ezrolladur

N’eo ket ezel ken kemen hini:

  • a ro e zilez ;
  • a varv ;
  • ne entu ket gant karta ar gevredigezh, gant ar statudoù pe gant ar reoliadur diabarzh. Bez e c’hell bezañ skarzhet d’ar mare-se dre un diviz e-doug un emvod Kuzul Luskañ.

Mellad 11. Divodadur

Divoded e c’hell ar gevredigezh bezañ da heul diviz an emvod-meur. Un dibennfreuzer(ez) pe meur a hini a vez anvet evit reiñ ar fred rik, ma vez anezhañ, d’ur gevredigezh he deus ur pal damheñvel.